Yurtdoshlarimiz Nikita Rafalovich va Svetlana Osipovaning shiddatli janglaridan suratlar. Afsuski, Rafalovich ilk davradayoq imkoniyatni boy berdi, Osipova esa afrikalik raqibasini mag'lub etib, chorak final yoʻllanmasini qoʻlga kiritdi.
Akbar Jo’rayev bugun bor kuch va imkoniyatlarini ishga solib, delegatsiyamizga Parij-2024 yozgi Olimpiya o’yinlarining dastlabki kumush medalini taqdim qildi. Taqdirlash marosimidan so’ng delegatsiyamiz rasmiylari Akbar Jo’rayevni faoliyatidagi ikkinchi Olimpiada medali bilan qutlashdi.
Svetlana Osipovaning o’zbek taekvondosida yangi sahifa ochgan bahsidan yorqin galereya
Muxlislarning tinimsiz bosimiga qaramay Hasanboy Do’smatov aniq va kuchli zarbalari, chaqqon harakatlari bilan tarixiy finalni o’z foydasiga hal qildi. Andijon o’g’loni ikki karra Olimpiada chempionligiga erishgan birinchi o’zbek bokschisiga aylandi. Tasanno, Hasanboy!
Boks bo’yicha O’zbekiston terma jamoasi hisobiga beshinchi final yo’llanmasini taqdim qilgan Abdumalik Xalokovning jangidan yorqin suratlar
22 yoshida 2 karra Olimpiada chempionligini qo’lga kiritgan Ulug’bek Rashitovning final jangi va taqdirlash marosimidan suratlar
O’tgan Olimpiada finalchisini ochko bermasdan mag’lub etgan Razambek Jamalov potensiali ancha yuqori ekanini yana bir karra ko’rsatdi. Bo’lajak bahslarda ham terma jamoamiz vakiliga yorqin g’alabalar tilab qolamiz.
Ilk soniyalarda olingan jarohat Rustam Assakalovni Olimpiada medalidan ayirdi. Mazkur bellashuvdan so’ng 40 yoshli kurashchimiz professional sportdagi faoliyatini yakunladi. Rustam Assakalov O’zbekiston terma jamoasi tarkibida jahon chempionatlarida 1 tadan oltin va kumush, Osiyo o’yinlarida 1 tadan oltin, kumush va bronza, qit’a birinchiliklarida esa 3 ta oltin, 2 ta kumush va 2 ta bronza medallariga sazovor bo’lgan. Shuningdek, Rio-2016, Tokio-2020 va Parij-2024 yozgi Olimpiya o’yinlarida yurtimiz sharafini munosib himoya qildi. O’zbekiston Milliy Olimpiya qo’mitasi Rustam Assakalovga yorqin faoliyat uchun minnatdorchilik bildirib, unga kelgusida sihat-salomatlik va muvaffaqiyatlar tilaydi.
Aram Vardanyan bronza medali uchun bahsda bor imkoniyatini ishga soldi. Afsuski, atigi bir ball yurtdoshimizni Olimpiada medalidan ajratib qoldi. Sobiq jahon chempioniga qarshi kechgan bahs Anvar Ilyasov suratlarida
Bahodir Jalolov yarim final bahsini yaqqol ustunlik bilan o’tkazdi. Germaniyalik bokschi uchun mazkur jang chinakam tajriba vazifasini o’tab berdi. Bellashuvdan yorqin suratlar:
Xalqaro Olimpiya qo’mitasi (XOQ) prezidenti Tomas Bax, Butunjahon taekvondo federatsiyasi prezidenti Chungvon Choi, O’zbekiston Respublikasi Sport vaziri Adham Ikramov hamda MOQ Bosh kotibi Oybek Kasimov Ulug’bek Rashitov ishtirokidagi jangni birgalikda tomosha qilishdi. Bahs yakunida XOQ rahbari hamyurtimizga kelgusi bosqichlarda ham omad tiladi.
Ulug’bek Rashitov o’zbek sporti tarixida yana bir yangi sahifa ochish arafasida. Final yo’lida jiddiy raqib, ispaniyalik Xavyer Peres mag’lub etilgan bahs Anvar Ilyasov suratlarida.
