Respublika sport tibbiyoti ilmiy-amaliy markazi O‘zbekiston Respublikasi Prezidentining 2013-yil 25-fevraldagi «O‘zbekiston sportchilarining 2016-yilda Rio-de-Janeyro shahrida (Braziliya) bo‘lib o‘tadigan XXXI yozgi Olimpiada va XV Paralimpiada o‘yinlarida ishtirok etishga tayyorgarligi to‘g‘risida»gi PQ–1923-son qarori, O‘zbekiston Respublikasi Prezidentining 2013-yil 3-iyuldagi PQ-1994 – sonli Qarori, O‘zbekiston Respublikasi Vazirlar Mahkamasining «O‘zbekiston Respublikasi Milliy olimpiya qo‘mitasi huzuridagi Respublika sport tibbiyoti ilmiy-amaliy markazi faoliyatini tashkil etish to‘g‘risida»gi 2013-yil 15-avgustdagi hamda «O‘zbekiston Respublikasi Milliy olimpiya qo‘mitasi huzuridagi Respublika sport tibbiyoti ilmiy-amaliy markazi faoliyatini tashkil etishga doir qo‘shimcha chora-tadbirlar to‘g‘risida»gi 2015-yil 1-maydagi qarorlariga muvofiq O‘zbekiston milliy olimpiya qo‘mitasi huzurida Respublika sport tibbiyoti ilmiy-amaliy markazi tashkil etilib, 1-may 2015-yildan o‘z faoliyatini boshladi.

O‘zbekiston va Rossiya Milliy olimpiya qo‘mitalari o‘rtasida olib borilayotgan hamkorlik doirasida qator dasturlar o‘tkazildi. Uning doirasida joriy yilning 27-avgustdan 3-sentabrga qadar Rossiya MOQ qoshidagi Innovatsion markazning tor doiradagi tajribali shifokorlari sport turlari bo‘yicha terma jamoamiz vakillarini tekshiruvdan o‘tkazishdi.