“Oltin kecha”ga o’zgacha fayz bergan Bahodir Jalolovning final jangi, har bir zarbalari yurtdoshlarimizni katta hayajonda ushlab turdi. Bu jang Bahodirning havaskor boksdagi faoliyatiga chiroyli yakun yasadi. Endi o’zbek o’g’loniga professional ringda ham mana shunday yorqin g’alabalar tilab qolamiz. Chempionlik bahsi MOQ obyektivida

Parij-2024 yozgi Olimpiya o’yinlarining kumush medali sohibi Svetlana Osipova shohsupada

“Big Uzbek” endi ikki karra Olimpiya o’yinlari chempioni. Parij-2024 qahramonlaridan birini taqdirlash marosimida Osiyo Olimpiya kengashi vitse-prezidenti Otabek Umarov ishtirok etdi. Olimpiadadagi yorqin janglar va unutilmas g’alabalar uchun tashakkur, Bahodir!

Erkin kurashchimiz, Parij-2024 yozgi Olimpiya o’yinlari sovrindori G’ulomjon Abdullayev shohsupada

Kun qahramonlaridan biri, jahon chempioni Asadxo’ja Mo’ydinxo’jayev o’z titullari orasiga Olimpiada chempionligini ham qo’shib qo’ydi

Ketma-ket ikkita oltin medal bilan delegatsiyamiz umumjamoa hisobida yanada yuqori o'ringa ko'tarildi. Lazizbek Mullojonov esa ayni paytda o'z vaznidagi eng kuchli sportchi ekanini yana bir karra ko'rsatdi.

G’ulomjon Abdullayevning bronza medali uchun bellashuvda qirg’izistonlik raqibini mag’lub etgan bahsdan yorqin suratlar. Hamyurtimizning chiqishini Sport vaziri Adham Ikramov, Osiyo Olimpiya kengashi vitse-prezidenti Otabek Umarov hamda Birlashgan kurash dunyosi (UWW) vitse-prezidenti Axrol Ro’ziyev ham bevosita arenadan kuzatib borishdi.

Yurtdoshlarimiz Nikita Rafalovich va Svetlana Osipovaning shiddatli janglaridan suratlar. Afsuski, Rafalovich ilk davradayoq imkoniyatni boy berdi, Osipova esa afrikalik raqibasini mag'lub etib, chorak final yoʻllanmasini qoʻlga kiritdi.

Akbar Jo’rayev bugun bor kuch va imkoniyatlarini ishga solib, delegatsiyamizga Parij-2024 yozgi Olimpiya o’yinlarining dastlabki kumush medalini taqdim qildi. Taqdirlash marosimidan so’ng delegatsiyamiz rasmiylari Akbar Jo’rayevni faoliyatidagi ikkinchi Olimpiada medali bilan qutlashdi.

Svetlana Osipovaning o’zbek taekvondosida yangi sahifa ochgan bahsidan yorqin galereya

Muxlislarning tinimsiz bosimiga qaramay Hasanboy Do’smatov aniq va kuchli zarbalari, chaqqon harakatlari bilan tarixiy finalni o’z foydasiga hal qildi. Andijon o’g’loni ikki karra Olimpiada chempionligiga erishgan birinchi o’zbek bokschisiga aylandi. Tasanno, Hasanboy!

Boks bo’yicha O’zbekiston terma jamoasi hisobiga beshinchi final yo’llanmasini taqdim qilgan Abdumalik Xalokovning jangidan yorqin suratlar