Хитойнинг Чунцин шаҳрида енгил атлетиканинг сакраш турлари бўйича Осиё чемпионати ўз якунига етди. Мусобақанинг иккинчи кунида эркаклар ўртасида кечган уч ҳатлаб сакраш дастурида юртдошимиз Иброҳим Маҳкамов 16.40 метр натижа билан кумуш медалга сазовор бўлди.

Шу тариқа, мусобақада 2 та олтин ва 1 та кумуш медалларини жамғарган спортчиларимиз умумжамоа ҳисобида Хитойдан кейин иккинчи ўринни эгаллашди.