21 Ноябр 2026
91
Ўзбекистон World Sailing ташкилотига тўлақонли аъзо бўлди
Хитойнинг Циндао шаҳрида Бутунжаҳон елканли спорт федерациясининг (World sailing) Бош ассамблеяси бўлиб ўтди. Тадбирнинг кун тартибига мувофиқ, бир қатор миллий федерацияларнинг ташкилотга тўлақонли аъзолиги кўриб чиқилди.
Унга кўра, Ўзбекистон елканли спорт федерацияси 95.08 фоиз овоз билан World sailing аъзолигига тўлақонли қабул қилинди. Янги мақом миллий федерацияга World Sailing ривожланиш дастурларидан фойдаланиш имконини очади. Шунингдек, эндиликда ўзбекистонлик спортчилар Олимпия ўйинларига саралаш мусобақаларида иштирок этишлари мумкин.