Тошкент илк бор мезбонлик қиладиган сузиш бўйича Жаҳон кубоги босқичига оз фурсат қолмоқда. 8-10 октябрь кунлари ташкил қилинадиган турнирда 40 мамлакатдан 230 нафар спортчи ғолиблик учун баҳс олиб боради.

Хорижлик таниқли сузувчилар орасида Камерон Макевой (Австралия), Шивон Гохи (Гонконг), Итинг Юй (Хитой), Евгения Чикунова, Юлия Ефимова (иккаласи ҳам Россия), Олимпиада ҳамда дунё биринчилигининг ғолиб ва совриндорлари, жаҳон рекордчиларининг борлиги беллашувлар катта рақобат остида кечиши кутилаётганини англатади.

Мусобақа давомида терма жамоамиз шарафини 51 нафар спортчи ҳимоя қилади. Улар орасида Элдор Усмонов, Илья Сибирцев, Хуршиджон Турсунов, Анастасия Зелинская каби таниқли спортчилар ҳам бор. Беллашувлар “Олимпия шаҳарчаси”даги сув спорти саройида ташкил этилади.