Тожикистон пойтахтида дзюдо бўйича “Катта дубулға” мусобақаси старт олди. Мусобақанинг илк кунида Ўзбекистон терма жамоаси 1 та кумуш медалга сазовор бўлди.

Ушбу медални -66 кг вазн тоифасида курашган Азизбек Ортиқов келтирди. Спортчимиз саралашда Қирғиз Республикаси ва Франция вакилларини, ярим финалда 2021 йилги жаҳон чемпиони россиялик Яго Абуладзени мағлубиятга учратди. Бироқ финалда мезбонларнинг биринчи рақамли спортчиси, ўтган йилги жаҳон чемпионатининг финалчиси Нурали Эмомалига имкониятни бой берди ва кумуш медаль билан тақдирланди.