Нью-Йоркда теннис бўйича йилнинг сўнгги “Катта дубулға” турнири — US Open старт олди.

Мусобақанинг асосий даврасида қатнашаётган юртдошимиз Камилла Раҳимова (дунёнинг 92-ракеткаси) 1-босқичда жаҳон тасниф жадвалида 29-поғонани эгаллаб турган чехиялик Барбора Крейчиковани сенсацион тарзда мағлубиятга учратди.

Тенг курашлар остида кечган 1-сет 7:6 ҳисобида Раҳимованинг ғалабаси билан якунланди. Юртдошимиз 2-бўлимни тўлиқ назоратга олди ва 6:2 ҳисобида устун келиб, баҳсни ўз фойдасига ҳал қилди.

Шунингдек, бугун кечки дастурда яна бир теннисчимиз Мария Тимофеева (86) кортга чиқади. Унга словениялик Тамара Зиданшекка (149) рақиблик қилади.