Польшанинг Познан шаҳрида ўтаётган байдарка ва каноэда эшкак эшиш бўйича жаҳон чемпионатида Ўзбекистон терма жамоаси дастлабки медалини қўлга киритди.

200 метр масофага кечган яккалик каноэчилар баҳсида ҳамюртимиз Артур Гулиев маррага иккинчи бўлиб келди ва кумуш медалга сазовор бўлди.

Маълумот учун, Гулиев ҳисобида бунгача дунё биринчиликларининг 2 та олтин ва 1 та бронза медаллари мавжуд эди.