Ўзбекистон ва Озарбайжон келгуси йили биргаликда футбол бўйича У20 ёш тоифасидаги жаҳон чемпионатини қабул қилади. Айни пайтда давлат ташрифи билан мамлакатимизда бўлиб турган Озарбайжон Республикаси Президенти Илҳом Алиев ва давлатимиз раҳбари ўзаро учрашув чоғида ушбу мусобақани биргаликда ўтказишга доир қатор масалаларни кўриб чиқишди.

Ҳар икки давлат етакчилари, МОҚ раҳбарлари ушбу турнир доирасида кенг кўламли “Икки мамлакат – бир чемпионат” дастурини амалга оширишга келишиб олишди.