Теннисчимиз Полина Кудерметова «Уимблдон» турниридаги иштирокини якунлади. Биринчи даврада нейтрал мақомдаги Людмила Самсоновага қарши баҳс олиб борган Кудерметова икки сетда имкониятни бой берди.

Полина Кудерметова — Людмила Самсонова (Нейтрал спортчи) 3:6, 3:6

Шу тариқа, теннисчиларимиздан Камилла Раҳимова ҳамда Мария Тимофеева турнирнинг иккинчи даврасига йўл олишди. Улар 2 июль куни қуйидаги рақибларига қарши кортга чиқишади:

Камилла Раҳимова — Мария Саккари (Греция);
Мария Тимофеева — Элиза Мертенс (Бельгия).