Ушбу сана ўзбек спорти учун қатор мусобақаларга бой. Жумладан:

– Пойтахтимиздаги “Олимпия шаҳарчаси”да бокс бўйича U15 ёш тоифасидаги Осиё чемпионатида ярим финал жанглари ўтказилади;

– Англиянинг Манчестер шаҳрида Баҳодир Жалолов ва Жавоҳир Умматалиев профессионал бокс оқшомида жанг қилишади;

– Элдор Шомуродов ва Аббосбек Файзуллаев ҳаракат қилаётган “Истанбул Башакшеҳир” клуби «Самсунспор»га қарши баҳс ўтказади.

– Абдуқодир Ҳусанов тўп тепаётган “Манчестер Сити” АПЛ доирасида ўз майдонида «Брентфорд»ни қабул қилади.

– Спорт гимнастикаси бўйича Ўзбекистон терма жамоаси Болгариянинг Варна шаҳрида Жаҳон челленж кубогида иштирок этади;

– Дзюдо бўйича Ўзбекистон терма жамоаси Қозоғистоннинг Остона шаҳри мезбонлик қиладиган “Катта дубулға” турнирининг ўрта вазн тоифасидаги беллашувларида қатнашади;

– Стенддан отиш бўйича Ўзбекистон терма жамоаси Қозоғистоннинг Олма-ота шаҳрида Жаҳон кубоги босқичида иштирок этади.