Хитойнинг Гуиянг шаҳрида бокс бўйича World Boxing кубогининг 2-босқичи ҳал қилувчи босқичга кирди. Бугун мусобақада ярим финал жанглари ортда қолди. Ташкил этилган шиддатли жангларда 7 нафар вакилимиз ғалаба қозониб финал йўлланмасини қўлга киритди.

Қайд этиш жоиз, 7 нафар финалчи билан Ўзбекистон терма жамоаси ҳал қилувчи босқичга йўл олган давлатлар орасида пешқадамлик қилмоқда. Эртага чемпионлик учун жанг қиладиган юртдошларимиз:

-48 кг: Фарзона Фозилова
-57 кг: Нигина Ўктамова
+80 кг: Олтиной Сотимбоева
-50 кг: Асилбек Жалилов
-60 кг: Абдумалик Халоков
-80 кг: Жавоҳир Умматалиев
-90 кг: Тўрабек Ҳабибуллаев

Бугун имкониятни бой берган қуйидаги вакилларимиз бронза медалига сазовор бўлишди:

-60 кг: Ситора Турдибекова
-75 кг: Азиза Зокирова
-85 кг: Акмалжон Исроилов
+90 кг: Арман Маханов