Ўзбекистонда янгича форматдаги Халқаро Олимпия куни юқори кайфиятда нишонланди
“Олимпия шаҳарчаси”да Халқаро Олимпия кунига бағишланган тантанали тадбир бўлиб ўтди. Бутунлай янгича форматда ташкил этилган байрам катта спорт жамоатчилиги, шунингдек, юзлаб юртдошларимизни соғлом турмуш тарзи ва Олимпия қадриятлари атрофида бирлаштирди.
Тадбирда Ўзбекистон Республикаси Президентининг спорт бўйича вакили Одил Абдурахманов, Спорт вазири Адҳам Икрамов ҳамда Миллий Олимпия қўмитаси раисининг биринчи ўринбосари Отабек Умаров сўзга чиқиб, барча юртдошларимизни Халқаро Олимпия куни билан муборакбод этди.
“Олимпия шаҳарчаси” ҳудудида спорт федерация ва ассоциацияларининг махсус бурчаклари ташкил этилди. Бу орқали тадбирга ташриф буюрувчилар қатор спорт турлари ва юлдуз атлетларимиз билан яқиндан танишишди, ўзларини ҳар хил йўналишларда синаб кўришди ва унутилмас таассуротларга эга бўлишди.
Байрам давомида «7Сабер», «Узтех», «Микрокредитбанк» ва «Яндех» каби ҳамкорлар томонидан меҳмонларга эсдалик совғалари улашилди.
Халқаро Олимпия куни спорт, дўстлик ва бирдамлик байрамига айланиб, барчага ёрқин хотиралар улашди.
Платинум ҳамкорлар: 7Saber I UzTex I Mikrokreditbank
Бронза ҳамкор: Yandex
