17 Апрел 2026
427
Моҳидил Ўктамжонова ҳамда Асадбек Самандаров жаҳон чемпионлигини қўлга киритишди
Пойтахтимиздаги “Олимпия шаҳарчаси”да таэквондо WТ бўйича ёшлар ўртасидаги жаҳон чемпионати якунига етмоқда. Мусобақанинг бугунги кунини спортчиларимиз 2 та олтин медални қўлга киритиб, юқори натижалар билан якунлашди.
Дастлаб, қизлар ўртасида -63 кг вазн тоифасида иштирок этган Моҳидил Ўктамжонова финалда италиялик София Фрассикани мағлубиятга учратди ва олтин медалга сазовор бўлди.
Шунингдек, йигитлар ўртасидаги -51 кг вазн тоифасининг чемпионлик жангида Асадбек Самандаров тунислик Малек Мокрадан устун келди.
