Спорт гимнастикаси бўйича Ўзбекистон терма жамоаси Анталья (Туркия) мезбонлик қилаётган Жаҳон кубоги босқичидаги иштирокини якунлади.

Юртдошларимиздан Оксана Чусовитина таяниб сакраш ҳамда Абдулазиз Мирвалиев эса эркин машқ бўйича финал дастурида медаллар учун баҳс олиб боришди. Якунда Чусовитина 13.133 балл билан тўртинчи, Мирвалиев эса 13.233 балл билан бешинчи натижани қайд этди.