Ўзбекистон делегацияси VI Ислом бирдамлиги ўйинларидаги иштирокини якунлади. Саудия Арабистонининг Ар-Риёд шаҳри мезбонлик қилган бу гали мусобақада музаффар спортчиларимиз 29 та олтин, 35 та кумуш ва 32 та бронза медаллари билан 57 мамлакат орасида умумжамоа ҳисобида Туркиядан кейин иккинчи ўринни эгаллашди.

Атлетларимиз томонидан қўлга киритилган ушбу муваффақият мамлакатимизнинг Ислом бирдамлиги спорт ассоциациясига аъзо давлатлар орасида йирик спорт державаларидан бири эканини яна бир карра кўрсатди.

Ўзбекистон Миллий Олимпия қўмитаси барча спортчи ва мураббийларни, федерация ва ассоциацияларни, қолаверса, миллионлаб юртдошларимизни мазкур мусобақада қўлга киритилган улкан ғалаба билан самимий муборакбод этади.