16-19 октябрь кунлари Ветнамда академик эшкак эшиш бўйича Осиё чемпионати бўлиб ўтади. Хайфон шаҳри мезбонлик қилаётган мусобақада қитъамизнинг 18 мамлакатидан 232 нафар спортчи иштирок этади.

Ўзбекистон Rowing&Canoe федерациясининг маълумотига кўра, мазкур чемпионатда терма жамоамизнинг 23 нафар аъзоси юртимиз шарафини ҳимоя қилади. Ҳозирда спортчиларимиз Хайфон шаҳрида сўнгги тайёргарлик машғулотларини олиб боришяпти.