4-14- сентябрь кунлари Англиянинг Ливерпуль шаҳрида бокс бўйича жаҳон чемпионати бўлиб ўтади. Бугун бокс бўйича Ўзбекистон эркаклар терма жамоаси дунё биринчилигига пухта тайёргарлик кўриш учун “Туманли Альбион”га жўнаб кетди.

Режага кўра, жамоамиз мусобақа олдидан Шеффилд шаҳрида сўнгги йиғинни ўтказади. Унда маҳаллий об-ҳавога мослашиш ҳам кўзда тутилган. Ушбу йиғинга 20 нафар спортчи жалб этилган. Машғулотлар якунида жаҳон чемпионатида иштирок этувчи якуний таркиб аниқлаб олинади.

Шунингдек, 20 август куни Элшод Расулов бошчилигидаги аёллар терма жамоамиз ҳам Англияга йўл олиши кўзда тутилган.