Афинада ўтаётган спорт курашлари бўйича U17 ёш тоифасидаги жаҳон чемпионатида ўзбекистонлик спортчиларнинг муваффақиятли иштироки давом этади. Юнон-рум кураши бўйича кечган беллашувларда ёш спортчиларимиз яна 2 та олтин медалга сазовор бўлишди.

 Олтин медаль:
-51 кг: Отабек Турсунов
-71 кг: Беҳрузбек Валиев

Шу тариқа, юнон-рум кураши бўйича Ўзбекистон U17 терма жамоаси жаҳон чемпионатини 4 та олтин медаль билан якунлади. Очколар жамғариш бўйича эса умумжамоа ҳисобида Эрондан кейин иккинчи ўринни эгалладик.