Лос-Анжелес-2028 ёзги Олимпия ўйинлари ташкилий қўмитаси бўлажак беллашувларнинг саналари ва спорт турларига бириктирилган ареналар номини эълон қилди.

Ўйинларнинг расмий очилиш маросими 14 июль санасига тўғри келсада, баъзи спорт туридаги саралаш беллашувлари 12 июль кунидан бошланади. Очилиш маросими мусобақа учун махсус қурилган “2028 стадиони”да ўтказилади. Маросимдан кейин ушбу арена 1 ҳафта мобайнида сузиш баҳсларига мослаштирилади.

Дастлабки медаллар жамланмаси 15 июль куни ўйналади. Унда триатлон, енгил атлетика, слаломда эшкак эшиш, қиличбозлик, дзюдо, регби-7, ўқ отиш турларида ғолиб ва совриндорлар аниқланади. Мусобақанинг тантанали ёпилиш маросими эса 30 июль кунига белгиланган. Ушбу санада куннинг биринчи ярмида марафон, баскетбол, бокс, велотрек, сузиш, волейбол ва спорт курашлари бўйича финал баҳслари ташкил этилади.

Ўйинларнинг ёпилиш маросими “ЛА Мемориал колизейи”да бўлиб ўтади. Тўлиқ тақвим билан қуйидаги ҳавола орқали батафсил танишиб олишингиз мумкин.