Оғир атлетика бўйича Ўзбекистон терма жамоаси халқаро ўқув-машғулот йиғинида иштирок этиш учун Туркияга йўл олди. Ҳамюртларимиз 22 августгача Сакарья шаҳрида машғулот ўтказишади.

Қайд этиш жоиз, ушбу йиғин октябрь ойида Норвегияда ташкил этиладиган катталар ўртасидаги жаҳон чемпионати, шунингдек, ноябрда Саудия Арабистонида ўтказиладиган Ислом бирдамлиги ўйинларига тайёргарлик вазифасини ўтаб беради. Туркия йиғинига Руслан Нурудинов, Акбар Жўраев каби 12 нафар терма жамоанинг асосий спортчилари жалб этилган.