Мамлакатимиз яна бир бор дунё спорти жамоатчилигининг эътиборини ўзига қаратмоқда. 24 июль – 3 август кунлари пойтахтимиз волейбол бўйича йигитлар ўртасида U19 ёш тоифасидаги жаҳон чемпионатига мезбонлик қилади. Мамлакатимизда ушбу спорт турида илк бор ташкил этиладиган мазкур мусобақада дунёнинг энг кучли 24 жамоаси ғолиблик учун беллашади.

Беллашувлар «Юнусобод» спорт мажмуаси ҳамда Ўзбекистон Давлат жисмоний тарбия ва спорт университетининг залларида ташкил этилади. «А» гуруҳидан ўрин олган Ўзбекистон терма жамоаси плей-офф босқичи йўлланмаси учун Бельгия, Аргентина, Пуэрто-Рико, Туркия ва Покистон жамоаларига қарши баҳс олиб боради. Жамоамизнинг гуруҳ босқичидаги тақвими қуйидагича:

1-тур: Ўзбекистон – Туркия (24 июль)
2-тур: Ўзбекистон – Покистон (25 июль)
3-тур: Ўзбекистон – Пуэрто-Рико (26 июль)
4-тур: Ўзбекистон – Аргентина (28 июль)
5-тур: Ўзбекистон – Бельгия (29 июль)

Изоҳ: Терма жамоамизнинг гуруҳ босқичидаги барча ўйини «Юнусобод» спорт мажмуасида соат 17:00 бошланади.