Қозоғистоннинг Астана шаҳрида оғир атлетика бўйича ўсмирлар ва ёшлар ўртасидаги Осиё чемпионати ўз якунига етди. Мусобақанинг сўнгги кунида аёллар ўртасида энг оғир вазн тоифасида ғолиб ва совриндорлар аниқланди. +86 кг вазн тоифасида кечган беллашувларда Ўзбекистон терма жамоаси аъзолари 2 тадан кумуш ва бронза медалларини жамғаришди.

Кумуш медаль:
+86 кг: Нигора Сувонова (силтаб кўтариш, ёшлар)
+86 кг: Нигора Сувонова (икки кураш, ёшлар)

Бронза медаль:
+86 кг: Нигора Сувонова (даст кўтариш, ёшлар)
+86 кг: Моҳинур Эсонбоева (икки кураш, ёшлар)

Шу тариқа, ўсмирлар жамоамиз мазкур мусобақада 3 та олтин, 7 та кумуш ва 20 та бронза, ёшларимиз эса 5 та олтин, 13 та кумуш ҳамда 10 та бронза медалларини жамғаришди. Аҳамиятлиси, ҳар икки жамоамиз очколар ҳисоби ва қўлга киритилган медаллар сони бўйича Осиёнинг энг яхши жамоасига айланди.