Рио-2016 ёзги Олимпия ўйинлари қаҳрамонларидан Муроджон Аҳмадалиев ҳамда Бектемир Мелиқўзиев профессионал боксда навбатдаги жангларини ўтказишди.

Мексикада ўтган жангда Аҳмадалиев мезбон Луис Кастильони 8-раундда мағлубиятга учратди. Энди у сентябрь ойида бир нечта йўналишдаги чемпионлик камарлари учун япониялик Наоя Иноуэга қарши жанг олиб боради.

Лас-Вегас (АҚШ)да ташкил этилган оқшомда эса Бектемир Мелиқўзиев мезбон Дариус Фалгемдан 12 раундли жангда устун келди. Ушбу ғалаба билан Бектемир WBA йўналиши бўйича чемпионлик камари учун даъвогарга айланди.