24 Май 2025
1437
Спорт тарғиботида фаол бўлган мактаблар эътироф этилди
Бугун Республикамиз ёшларини спортга жалб этишда намуна кўрсатган умумтаълим мактабларида жисмоний тайёргарлик даражаси спорт синовларида ғолиб ва совриндор бўлган ўқувчиларни тақдирлаш тадбирлари ўтказилди. Мазкур жараёнларда Спорт вазирлиги ҳамда Миллий Олимпия қўмитаси масъуллари ҳам иштирок этишди.
Мутасаддилар тақдирлаш маросимида мактаб директорларига Вазирлик ва Қўмита раҳбарияти номидан ҳудудларда ўқувчи ёшларни спортга кенг жалб этишда кўрсатган фаолликлари учун миннатдорчилик билдириб, ташаккурномаларни топширишди. Юқори натижа қайд этган ёшлар кўкрак нишонлари ва эсдалик совғалари билан тақдирландилар.
