Ҳурматли Отабек Муҳаммадалиевич,

Сизни бугунги таваллуд айёмингиз муносабати билан самимий муборакбод этамиз!

Сиз мамлакатимиз спортининг тараққиёти, шунингдек, ёшлар орасида олимпизмнинг эзгу ва пок ғояларини тарғиб қилиш, уларни Ватанпарварлик ва юртга садоқат руҳида тарбиялаш йўлида олиб бораётган фидоий меҳнатингиз билан жамоатчиликнинг юксак ҳурмати ва эътиборига сазовор бўлмоқдасиз.

Сиз илгари сураётган илғор ташаббусларингиз билан Муҳтарам Президентимиз олиб бораётган спорт соҳасидаги улкан ўзгаришларда уларга камарбаста бўлиб келмоқдасиз. Бу эса ўз навбатида юртимизда олимпия ҳаракатини янада ривожлантириш, мамлакатимиз байроғини халқаро ареналарда юксак чўққиларга олиб чиқишда муҳим аҳамият касб этмоқда.

Фурсатдан фойдаланиб, Сизни яна бир бор бугунги айём билан самимий қутлаб, Сизга узоқ умр, сиҳат-саломатлик ва фаолиятингизда янада улкан муваффақиятлар тилаб қоламиз.