“Кўринмас медаль” ҳужжатли фильми тақдимоти бўлиб ўтди
Бугун пойтахтимиздаги “Юлдуз синема” кинотеатрида ўзбек футболи тарихида илк бор Олимпия ўйинлари йўлланмасини қўлга киритган терма жамоамиз ҳақида “Кўринмас медаль” номли ҳужжатли фильм намойиши бўлиб ўтди. Gazeta.uz сайти билан ҳамкорликда ишланган ушбу фильм Тимур Кападзе бошчилигидаги жамоамизнинг Париж–2024 лицензияси сари босиб ўтган йўлини ўз ичига олган.
Фильм намойишида Ўзбекистон Миллий олимпия қўмитаси Бош котиби Ойбек Касимов, Ўзбекистон Футбол ассоциацияси биринчи вице-президенти Равшан Ирматов, шунингдек, футбол жамоатчилиги вакиллари иштирок этди. Расмийлар ўз сўзларида Президентимиз томонидан спортчилар учун яратилган шароит ва имкониятлар натижасида бундай тарихий ютуқ қўлга киритилганини таъкидлашди. Шунингдек, улар фильм ижодкорларига миннатдорчилик билдирар экан, давлатимизнинг бундай қўллаб-қувватлаш давом этиши ўзбек футболида янги саҳифалар очилишига хизмат қилишини қайд этишди.