Грузиянинг Тбилиси шаҳрида дзюдо бўйича “Катта дубулға” турнири старт олди. Енгил вазн тоифаларида кечган беллашувларда Ўзбекистон терма жамоаси ҳисобига иккита бронза медали ёзилди.

Ҳар икки медалга -66 кг вазн тоифасида баҳс олиб борган вакилларимиз Азизбек Ортиқов ҳамда Абдураҳим Нутфиллаев эгалик қилишди. Учинчи ўрин учун баҳсда Ортиқов озарбайжонлик Рашад Елкиев, Нутфиллаев эса мезбон Лаша Надирадзедан устун келди.