Чирчиқ шаҳри юртимизнинг энг кучли оғир атлетикачиларини чорлайди. Ўзбекистон давлат жисмоний тарбия ва спорт университетида 6-13 апрель кунлари катталар ва U20 ёш тоифасидаги Ўзбекистон чемпионати бўлиб ўтади. Қайд этиш жоиз, мазкур мусобақалар май ойида Хитойда ўтадиган Осиё чемпионати олдидан асосий жамоамизнинг тайёргарлигини кўздан кечириш имкониятини тақдим этади.

Шунингдек, 6-11 апрель кунлари “Uzbekistan open” халқаро турнири ўтказилиб, унда қўшни мамлакатлардан ташриф буюрадиган сара полвонлар баҳс олиб бориши кутилмоқда.