Бугун ўзбек боксида аҳамиятли кун. Сербияда ўтаётган аёллар (катталар) ўртасидаги жаҳон чемпионатининг финалида илк бор ўзбекистонлик боксчи қиз Навбаҳор Ҳамидова (-66 кг) олтин медаль учун рингга кўтарилади.

Ҳамюртимизга чемпионлик йўлида туркиялик Бусеназ Сурменели рақиблик қилади. Қайд этиш жоиз, Сурменели Токио-2020 ёзги Олимпия ўйинлари ғолиби, икки карра жаҳон чемпиони ҳисобланади. Баҳс Тошкент вақти билан тахминан 22:45 да бошланади.