Фигурали учиш бўйича Ўзбекистон терма жамоаси аъзолари, Харбин-2025 қишки Осиё ўйинлари чемпионлари Дмитрий Чигирев ҳамда Екатерина Гейниш АҚШнинг Бостон шаҳрида ўтадиган жаҳон чемпионатига тайёргарлик кўришмоқда. Мусобақа олдидан ташкил этилаётган сўнгги машғулотлар Колорадо штатида олиб бориляпти. Мазкур манзилда дунё биринчилигида иштирок этадиган бошқа давлат вакиллари ҳам шуғулланишмоқда.

Эслатиб ўтамиз, бўлажак жаҳон чемпионати 26-29 март кунлари ўтказилиб, унда Милан-Кортина-2026 қишки Олимпия ўйинларининг йўлланмалари ўйналади.