15 Январь 2025
50
Тошкентда конкур бўйича ёшлар ўртасидаги Осиё чемпионати ўтказилади
Қувайтда Осиё от спорти федерацияси (AEF)нинг навбатдаги Бош Ассамблеяси бўлиб ўтди. Унда янги Олимпия циклида қитъамиз бўйлаб от спортини янада ривожлантиришга доир масалалар кўриб чиқилди. Тадбирда Ўзбекистон номидан мамлакат йилқичилик ва от спорти федерацияси раиси Баҳромжон Газиев қатнашди.
Биз учун аҳамиятлиси, Бош Ассамблея доирасида жорий йил нуфузли мусобақалардан бирининг мезбонлиги пойтахтимизга топширилди. Аниқроғи, 1-3 апрель кунлари Тошкент конкур бўйича ёшлар ўртасидаги Осиё чемпионатини қабул қилади. Режага кўра, мусобақа “Universal Horses stable” мажмуасида ташкил этилади.
