Ру En O'z
10 Январь 2025 193

Ёш хоккейчимиз Чехиядаги ўйинлари билан экспертлар эътиборини тортмоқда

2019 йил 15 март. Пойтахтимиздаги “Ҳумо арена” муз саройининг тантанали очилиш маросимида Президент Шавкат Мирзиёевга хоккей ва фигурали учиш билан шуғулланадиган икки ёш спортчи ҳамроҳлик қилган эди. Бугун ана шу ёш болакай Салоҳиддин Азимов ўз тенгқурлари орасида анча кучли хоккейчига айланди. Ҳамюртимиз ҳозирда “Motor České Budějovice” (Чехия) клубининг ёшлар жамоасида фаолият олиб бормоқда.

Бугунги кунга келиб, Азимов клубининг асосий ўйинчиларидан бири бўлиб улгурган. Сўнгги 10 ўйинда Салоҳиддин 6 та гол ва 2 та ассистни ўз ҳисобига ёздириб қўйган. 15 ёшли хоккейчимиз аллақачон америкалик скаутларнинг эътиборига тушиб улгурган. Бироқ ёш чегараси билан боғлиқ тўсиқлар сабаб профессионал шартнома имзолай олгани йўқ.

Салоҳиддин ҳозирча европалик тенгқурлари орасида ўз тажрибасини оширишда давом этади. Келгусида унинг океан ортида энг кучли лигада ўйнашини тилаб қоламиз.

Text to speech