7 Январь 2025
227
Боксчиларимиз йилнинг илк машғулотларини Баҳодир Жалолов мактабида ўтказишмоқда
Бокс бўйича Ўзбекистон терма жамоаси ҳам ўқув-машғулот йиғинини бошлади. Аҳамиятлиси, Тўлқин Қиличев қўл остидаги йигитларимиз илк машғулотни Баҳодир Жалолов номидаги ихтисослаштирилган бокс мактабида ўтказишди.
Режага кўра, жорий ҳафта давомида машғулотлар ушбу муассасада ташкил қилинади. Шундан сўнг 20-28 январь кунларига режалаштирилган мамлакат биринчилигида иштирок этувчи спортчилар ўз мураббийлари билан тайёргарликнинг сўнгги босқичини алоҳида тартибда олиб боришади.
