Сайтнинг эски версияси

БААнинг Фужайра шаҳрида ташкил этилган конкур бўйича уч юлдузли халқаро турнирнинг сўнгги куни ҳам Ўзбекистон терма жамоаси аъзолари учун муваффақиятли ўтди. Турнирнинг Гран-при йўналишида иштирок этган ҳамюртларимиз кумуш ва бронза медалларига сазовор бўлишди.

150 см баландликдаги тўсиқлардан сакраш дастурида Абдураҳмон Абдуллаев юқори маҳорат намойиш этиб, кумуш медалини қўлга киритган бўлса, яна бир тажрибали чавандозимиз Бекзод Қурбонов бу гал бронза медали билан тақдирланди. Мусобақада Абдуллаевга «Caballone», Қурбоновга эса “Matts V.G.” лақабли тулпори ҳамроҳлик қилди.