28 Ноябрь 2024
54
Саблячиларимиз Италия йиғинида
Айни кунларда қиличбозликнинг сабля йўналиши бўйича Ўзбекистон терма жамоаси аъзолари Зайнаб Дайибекова, Гулистан Пердибаева, Фернанда Эррера, Зуҳриддин Қодиров ҳамда Ислам Абдазов Италиянинг Падова шаҳрида халқаро ўқув-машғулот йиғинида иштирок этишмоқда.
Машғулотларда Италия, Греция, Венесуэла, Франция, Туркия терма жамоалари вакиллари ҳам қатнашяпти. Режага кўра, спортчиларимиз 3 декабрь куни Франциянинг Орлеан шаҳрида ташкил этиладиган Гран-при турнирига жўнаб кетишади. Ушбу мусобақадан кейин йиғин яна Падовада давом этади.
