18 Ноябрь 2024
164
Жиззах дзюдо бўйича Ўзбекистон чемпионатига мезбонлик қилади
21-24 ноябрь кунлари юртимизнинг энг кучли дзюдочилари Жиззах шаҳрида жам бўлишади. Унда мамлакатимизнинг турли ҳудудларидан ташриф буюрадиган 300 нафардан ортиқ спортчи катталар ўртасидаги Ўзбекистон чемпионатида куч синашади.
Мазкур мамлакат биринчилиги янги мавсум олдидан терма жамоа таркибини шакллантириш, асосий таркибга номзод иқтидор эгаларини саралаш имкониятини тақдим қилади. Баҳслар “Жиззах Киберспорт аренаси”да ўтказилади.
