1 Ноябрь 2024
265
Гейниш ва Чигирев жуфтлиги бугун навбатдаги Гран-прида иштирокини бошлайди
Бугун Франциянинг Анже шаҳрида фигурали учиш бўйича Гран-при турнирининг учинчи босқичи старт олади. Унда Ўзбекистон терма жамоаси аъзолари Екатерина Гейниш ҳамда Дмитирий Чигирев ҳам иштирок этишади.
Бундан аввал Канадада ўтган босқичда ажойиб натижа қайд этган ҳамюртларимиз бугун қисқа дастурдаги чиқишларини намойиш этишади. 2 ноябрь кунига белгиланган эркин дастурдан кейин ғолиб ва совриндорлар аниқланади. Ҳамюртларимиз 3 ноябрда кўргазмали чиқишда ҳам ўз қобилиятларини мухлислар эътиборига ҳавола қилишади.
