Албания пойтахти Тирана шаҳрида спорт курашлари бўйича U23 ёш тоифасидаги жаҳон чемпионати ўз якунига етди. Сўнгги кун дастурида бронза медали учун курашган эркин курашчимиз Умиджон Жалолов қирғизистонлик Билол Шарипулуга имкониятни бой берди. Шу тариқа, Ўзбекистон терма жамоаси мазкур ёш тоифасидаги дунё биринчилигини «классик» курашчимиз Алишер Ғаниевнинг ғалабаси эвазига 1 та олтин медаль билан якунлади.

Бугундан ушбу шаҳарнинг ўзида катталар ўртасида ноолимпия вазн тоифаларидаги жаҳон чемпионати старт олади. Мазкур йўналишда Ўзбекистон терма жамоасининг 3 нафар аъзоси иштирок этади. Бугун қуйидаги 2 нафар юнон-рум курашчимиз медаллар учун саралашда гиламга чиқадилар:

-72 кг: Абдулло Алиев – Ирискелди Ҳамзаев (Қирғизистон)
-82 кг: Жалгасбай Бердимуратов – Карен Хачатрян (Арманистон)