28 Октябрь 2024
380
Бутунжаҳон дзюдо куни муборак!
Бугун 28 октябрь, дзюдо асосчиси Дзигаро Кано дунёга келган ушбу сана бутун сайёрамиз бўйлаб Бутунжаҳон дзюдо куни сифатида кенг нишонланмоқда. Халқаро дзюдо федерацияси (IJF)нинг таклифи билан бу йилги байрам «Фаровонлик» шиори остида ташкил этиляпти.
Дзюдо байрами мамлакатимизда ҳам ўзгача шукуҳда қарши олиниши режалаштирилган. Бугун пойтахтимиздаги “Tashkent City Mall” савдо мажмуасида ушбу санага бағишланган тадбир бўлиб ўтади.
Ўзбекистон Миллий Олимпия қўмитаси ушбу байрам муносабати билан мамлакат дзюдо федерацияси ҳамда юртимиздаги дзюдо оиласини самимий қутлайди.
