Бугун Албанияда спорт курашлари бўйича U23 ёш тоифасидаги жаҳон чемпионати ўз якунига етади. Мусобақанинг сўнгги кун дастурида эркин курашчимиз Умиджон Жалолов бронза медали учун баҳс олиб борадиган бўлди.

-65 кг вазн тоифасида иштирок этаётган ҳамюртимиз ярим финалгача бўлган йўлни муваффақиятли босиб ўтди. Бироқ финал остонасида нейтрал мақомда курашаётган Ибрагим Ибрагимовга 0:3 ҳисобида имкониятни бой берди. Шу тариқа, у кечки дастурда учинчи ўрин учун гиламга чиқади. Унинг ушбу босқичдаги рақиби кун давомида маълум бўлади.