27 Октябрь 2024
439
Фигурали учиш бўйича Гран-при турнирида узоқ кутилган медаль
Ўзбекистон терма жамоаси аъзолари Екатерина Гейниш ҳамда Дмитрий Чигирев Канаданинг Галифакс шаҳрида ўтаётган мусобақада кумуш медални қўлга киритишди.
Ҳамюртларимиз эркин дастурдаги ажойиб ижролари эвазига 126.12 балл жамғаришга эришишди. Бу мазкур дастурда барча жуфтлик ичида қайд этилган энг юқори натижага айланди. Шу тариқа, улар қисқа дастурдаги чиқишларини қўшиб ҳисоблаганда 189.65 балл тўплаб, кумуш медалга эга чиқдилар.
Қайд этиш жоиз, бу жуфтлик йўналишида ўзбекистинлик спортчиларнинг Гран-при турнирларида қўлга киритган илк медали бўлди.
1. Д. Стеллато-Дудек / М. Дешам (Канада) — 197.33
2. Е. Гейниш / Д. Чигирев (Ўзбекистон) — 189.65
3. А. Голубева / Г. Гиотопоулос (Австралия) — 186.14
