Канаданинг Галифакс шаҳрида фигурали учиш бўйича Гран-при турнири бошланди. Хабар берганимиздек, унда Ўзбекистон терма жамоаси аъзолари Екатерина Гейниш ҳамда Дмитрий Чигирев иштирок этишмоқда.

Ҳамюртларимизнинг қисқа дастурдаги иштироки ҳакамлар томонидан 63.53 очко билан баҳоланди. Ушбу натижа билан улар саккиз жуфтлик орасида тўртинчи бўлиб туришибди. Бугун эркин дастурдан сўнг мазкур йўналишдаги ғолиб ва совриндорлар номи маълум бўлади.