Сайтнинг эски версияси

Тожикистон пойтахти Душанбе шаҳрида дзюдо бўйича ёшлар ўртасидаги жаҳон чемпионати ўз якунига етди. Шиддатли ва муросасиз курашларга бой ўтган мусобақада Ўзбекистон терма жамоаси яккалик баҳсларида 1 та олтин ва 3 та бронза медалларига сазовор бўлиб, умумжамоа ҳисобида 4-ўринни эгаллаган эди.

Бугун ўтган аралаш жамоавий дастурда ҳамюртларимиз бронза медаллари билан тақдирланишди. Учинчи ўрин учун кечган баҳсда дзюдочиларимиз Озарбайжонни 4:2 ҳисобида доғда қолдиришди.

Ўзбекистон Миллий Олимпия қўмитаси мазкур дунё биринчилигида қўлга киритилган муваффақият билан мамлакат дзюдо федерацияси, спортчи ва мураббийларни самимий табриклайди.