27 Сентябрь 2024
334
Боксчи қизларимиз федерация базасида йиғин ўтказишмоқда
Бокс бўйича Ўзбекистон аёллар терма жамоаси федерация базасида навбатдаги ўқув-машғулот йиғинини бошлади. Мазкур йиғин 28 ноябрь - 12 декабрь ойларида Иорданияда ўтадиган Осиё чемпионатига тайёргарлик вазифасини ўтаб беради.
Бош мураббий Элшод Расуловга кўра, ушбу йиғин 4 октябрга қадар давом этади. Шунингдек, у тоғда жисмоний юкламалар асосида ўтган йиғиндан сўнг ҳозирда спортчиларнинг техникасини оширишга аҳамият берилаётганини қўшимча қилди.
Бу уч босқичли йиғиннинг иккинчиси ҳисобланади. Режага кўра, қитъа биринчилиги йўлидаги сўнгги тайёргарлик йиғини 5-20 октябрь кунларига мўлжалланган.
