21 Сентябрь 2024
276
Бугун ёш оғир атлетикачиларимиз жаҳон чемпионатидаги иштирокларини бошлашади
Айни кунларда Испаниянинг Леон шаҳрида оғир атлетика бўйича ёшлар ўртасидаги жаҳон чемпионати бўлиб ўтмоқда. Бугун унда қатнашадиган Ўзбекистон терма жамоаси ўз иштирокини бошлайди.
Ҳамюртларимиз орасида дастлаб Диёрбек Рўзметов (-67 кг) медаллар учун кураш олиб боради. Юртдошимизнинг чиқиши Тошкент вақти билан 19:00 га тўғри келади. Шундан сўнг 22:00 да Нигора Абдуллаева -59 кг вазн тоифасида ўз омадини синаб кўради.
Эслатиб ўтамиз, ушбу дунё биринчилигида 7 нафар спортчимиз қатнашади. Бўлажак мусобақада барча атлетларимизга омад тилаймиз.
