18 Сентябрь 2024
68
Қиличбозлик бўйича ёшлар ўртасидаги мамлакат кубогида ғолиблар аниқланди
Тошкентда қиличбозлик бўйича 23 ёшгача бўлган спортчилар ўртасида Ўзбекистон кубоги баҳслари ўтказилди. Унда Республикамизнинг барча ҳудудларидан ташриф буюрган атлетлар ғолиблик учун кураш олиб боришди.
Мусобақанинг якуний кунида сабля бўйича жамоавий дастурда ғолиб ва совриндорлар аниқлаб олинди. Кутилганидек, ушбу йўналишдаги беллашувларда Қорақалпоғистон жамоаси биринчи ўринни эгаллади.
Турнир якунида шоҳсупадан ўрин олган иштирокчилар терма жамоа таркибида янги мавсумга тайёргарлик кўриш учун ўқув-машғулот йиғинларига жалб этилди. Саралаб олинган спортчилар бугуннинг ўзида йиғинга жўнаб кетишди.
