2 Сентябрь 2024
510
Паралимпия ўйинлари рекордини янгилаган Бобуржон Омонов олтинчи олтин медалимизга муаллифлик қилди
Пара енгил атлетикачиларимизнинг навбатдаги медали узоқ куттирмади. F41 классида ядро улоқтириш беллашувларида иштирок этган юртдошимиз Бобуржон Омонов олтин медалга сазовор бўлди. Паралимпия ўйинларининг икки карра чемпионига айланган андижонлик спортчимиз 14.32 метр натижа қайд этиб, Токио-2020 ёзги Паралимпия ўйинларида ўзи ўрнатган рекордни янгилашга эришди.
Ушбу муваффақиятдан кейин делегациямиз ҳисобидаги медаллар ҳозирча 6 та олтин, 4 тадан кумуш ва бронзани ташкил этмоқда.
