29 Август 2024
295
3х3 баскетболчиларимиз Жаҳон кубогидаги иштирокларини тугатишди
3х3 баскетбол бўйича Ўзбекистон U18 терма жамоаси Венгрияда ўтаётган Жаҳон кубогидаги иштирокини якунлади. Гуруҳ босқичида 1 та ғалабага эришган ҳамюртларимиз квартетда учинчи натижани қайд этишди.
Йигитларимиз Қатарни 21:12 ҳисобида мағлубиятга учратишди. Бироқ Германия ва Венгрияга бир хил 9:21 ҳисобида имкониятни бой беришди. Регламентга кўра, ҳар бир гуруҳдан энг яхши натижа қайд этган 2 жамоа чорак финалда иштирокини давом эттиради. Юртдошларимиз эса «С» квартетида учинчи ўрин билан мусобақадаги юришини тўхтатишди.
